10 საუკეთესო პროდუქტი ფიტნესით დაინტერესებული ადამიანებისთვის

June 30, 2018 ნახვა 2268

სხეულის მომხიბლავი ფორმების ჩამოყალიბება თუ გსურთ, თითოეული ულუფა, რომელსაც მიირთმევთ სიფრთხილით უნდა შეარჩიოთ. თქვენი განწყობა მნიშვნელოვნად არის დამოკიდებული იმაზე, თუ რა სახის საკვებს ანიჭებთ უპირატესობას. ამის შესახებ ყველამ ვიცით. სწორედ ამიტომ ვანიჭებთ დიდ მნიშვნელობას ჯანსაღ კვებას. ფიტნესით დაკავებული ადამიანებისთვის ძალიან მნიშვნელოვანია ლამაზი, ძლიერი სხეულის ჩამოყალიბება. მათთვის მხოლოდ ჯანსაღი პროდუქტების მიღება საკმარისი არ არის. აუცილებელია საკვები, რომელსაც ისინი იღებენ მდიდარი იყოს მკვებავი ნივთიერებებით, აძლიერებდეს იმუნიტეტს, აყალიბებდეს კუნთოვან სისტემას.

რომელი პროდუქტები გამოდგება ფიტნეს-კვებისთვის? ჩვენ არამხოლოდ იმ ათ საუკეთესო პროდუქტზე გესაუბრებით, რომლებიც ჯანსაღი ორგანიზმის ჩამოყალიბებაში დაგეხმარებათ, არამედ თითოეული მათგანის ოპტიმალურ დოზებზეც გავამახვილებთ ყურადღებას. მაშ ასე, ვადგენთ ფიტნესით დაკავებული ადამიანების შესაფერის რაციონს:

• ორაგული

ორაგული სიის სათავეში არაერთი მიზეზის გამო მოექცა, თუმცა უმთავრესი მაინც ისაა,რომ ის დიდი რაოდენობით შეიცავს ომეგა 3 -ს. თევზის ქონი მნიშვნელოვნად აფერხებს ტვინის დაბერების პროცესს, აყალიბებს გულისცემის რეგულარულ რიტმს, ეხმარება ვენებსა და არტერიებს. მიუხედავად იმისა, რომ სხვა სახის ცხიმები ჯანმრთელობას საფრთხეს უქმნიან, ომეგა 3 მსგავს გართულებებს არ იწვევს და ეს მეცნიერულად არის დადასტურებული.

ეს ყოველივე მხოლოდ აისბერგის ხილული ნაწილია. ორაგული ცილების საუკეთესო წყაროს წარმოადგენს. 85 გრამი ორაგული 20 გრამ ცილას შეიცავს, სწორედ ამიტომ ის კუნთოვანი მასის ზრდისა და წონაში კლებისთვის უებარ საშუალებას წარმოადგენს. როდესაც ორაგულს მიირთმევთ, თქვენ გაცილებით ცოტა კალორიას იღებთ, ვიდრე ხარჯავთ. ფიტნეს-კვება კი სწორედ ასეთი უნდა იყოს.

1 ულუფა ორაგული (85 გრამი)  121 კალორიას შეიცავს.

მიირთვით კვირაში 3-4 ულუფა.

• მოცვი

ყველა სხვა ხილს შორის მოცვი უდაოდ საუკეთესოა. შეგიძლიათ ის მიირთვათ სხვა პროდუქტებისგან დამოუკიდებლად ან სალათებთან და ფაფებთან ერთად. 30 გრამი მოცვი ნებისმიერ სხვა ხილზე მეტ ვიტამინს, მინერალსა და ბოჭკოს შეიცავს. ის განსაკუთრებით მდიდარია ანტიოქსიდანტებით, რომლებიც თავის მხრივ თავისუფალ რადიკალებს ებრძვიან. თავისუფალი რადიკალების რაოდენობა ასაკთან ერთად მატულობს. ისინი მთელს ორგანიზმში დამოგზაურობენ, აზიანებენ უჯრედებს და ხელს უწყობენ დაავადებების განვითარებას. მოცვი კი ყველანაირად ცდილობს აღნიშნული პროცესების შეჩერებას.

თუ კიდევ ერთ მიზეზს ეძებთ, რომელიც მოცვის სარგებლიანობაში დაგარწმუნებთ, მისი პოვნა არ გაგიჭირდებათ. ანტიოქსიდანტები, რომლითაც მოცვი ასე მდიდარია ტვინის უჯრედებსა და ნერვულ სისტემასაც კვებავს. ის სწრაფად აზოვნებასა და მეხსიერების განვითარებაშიც დაგეხმარებათ.

ნახევარი ჭიქა მოცვი 41 კალორიას შეიცავს.

კვირაში 1-2 ჭიქა მოცვი უნდა მიირთვათ.

• შვრია

დილის საუზმეზე როდესაც ვსაუბრობთ, შვრიაზე უკეთეს პროდუქტს ვერ გავიხსენებთ. ერთი ფინჯანი შვრია ენერგიით აგავსებთ და რამდენიმე საათის მანძილზე სხვა არაფერი დაგჭირდებათ. იგი მდიდარია თუთიით და  იმუნიტეტს ამაღლებს, სტრესსაც წარმატებით უმკლავდება.

შვრია წონის კლებასა და გულის დაავადებებთან ბრძოლასაც უწყობს ხელს. ის მნიშვნელოვნად ამცირებს ქოლესტერინის დონეს.

შვრია ყველა ფორმით ერთნაირად სასარგებლო არ არის. დატკბილული შვრია, რომელსაც ხშირად ყიდულობთ მაღაზიებში, შეიცავს დამატებით შაქარს და შესაბამისად ბევრად კალორიულიცაა. თუ თქვენ ტკბილი შვრია გიყვართ, იყიდეთ უბრალო შეფუთვა და თავად დაამატეთ დაბალკალორიული ხილი.

 ნახევარი ფინჯანი შვრია 148 კალორიას შეიცავს.

კვირაში 3-4 ულუფა შვრია უნდა მიირთვათ.

• პომიდორი

პომიდორი ჩვენი ფავორიტი პროდუქტების სიაში უმეტესად ერთი ნივთიერების გამო მოხვდა, რომლითაც ის მდიდარია. ეს ნივთიერება კი ლიკოპინია.

პომიდორი განსაკუთრებით სასარგებლო მამაკაცებისთვისაა.  ლიკოპინი უამრავ დაავადებას ებრძვის, განსაკუთრებით წარმატებით კი პროსტატის პრობლემას. კვლევებმა აჩვენა, რომ მამაკაცები, რომლებიც პომიდორს რეგულარულად მიირთმევენ პროსტატის დაავადებისკენ ნაკლებად არიან მიდრეკილები, ვიდრე ისინი, რომლებიც მას ნაკლებად ეტანებიან.

1 ჭიქა პომიდორი 83 კალორიას შეიცავს.

კვირაში 4 ულუფა მაინც უნდა მიირთვათ.

• ბროკოლი

ბროკოლი სხვა ბოსტნეულებს შორის ძალიან გამორჩეულია, რადგან ის განსაკუთრებით მდიდარია  რკინით, კალციუმით, ბოჭკოთი და C  ვიტამინით. ბროკოლი დადებითად მოქმედებს გულ-სისხლძარვთა და ძვლოვანი სისტემის გამართულ მუშაობაზე, გიცავთ გაციებისგან. ბროკოლი ნებისმიერ წვნიანში შეგიძლიათ ჩართოთ და გემრიელად მიირთვათ.

ერთი ფინჯანი 31 კალორიას შეიცავს.

კვირის განმავლობაში 2-3 ულუფა მიირთვით.

• ისპანახი

ისპანახი წარმოუდგენლად მდიდარია ბოჭკოთი, კაცლიუმით და ბეტა-კაროტინის დღიურ დოზასაც შეიცავს. ეს უკანასკნელი სასიცოცხლოდ მნიშვნელოვანია იმუნური სისტემის, ზოგადი ჯანმრთელობისა და კარგი მხედველობისთვის.

1 ფინჯანი ისპანახი 7 კალორიას შეიცავს.

კვირაში 2-3 ულუფა მიირთვით.

• იოგურტი

იოგურტი ყველა იმ სასარგებლო ნაერთს შეიცავს, რომელსაც რძე. ამასთან აძლიერებს ნაწლავის ფლორას და ამდიდრებს მას სასარგებლო ბაქტერიებით. კვლევებით დადასტურებულია, რომ იოგურტის მოყვარულები იშვიათად ცივდებიან. ის საუკეთესო საშუალებაა წონაში კლებისთვის და საოცარი სიმსუბუქის შეგრძნებას იწვევს. იოგურტი ფრთხილად უნდა შეარჩიოთ. მასში არ უნდა იყოს დიდი რაოდენობით შაქარი და უსარგებლო დანამატები.

1 ჭიქა იოგურტი 154 კალორიას შეიცავს.

დღეში 3 ულუფა მიირთვით.

• ნუში

ნუში დიდი რაოდენობით E ვიტამინს, ბოჭკოსა და ცილას შეიცავს. შესაბამისად ის ძალიან სასარგებლოა გულის და კუჭ-ნაწლავის ტრაქტისთვის, ასევე აჯანსაღებს კანს. ცხიმის შემცველობის გამო სპორტსმენები მას ხშირად თავს არიდებენ, რადგან კალორიულად მიაჩნიათ, რაც შეცდომაა. ნუშის დამატება საკვებში წონაზე დიდ გავლენას არ ახდენს. ეს მეცნიერული კვლევებითაც დასაბუთებულია.

ნუში ყოველთვის უნდა გქონდეთ სამუშაო მაგიდასთან და მსუბუქი ულუფებით მიიღოთ. შეგიძლიათ კოქტეილებში ნუშის ზეთი გამოიყენოთ.

14 გრამი ნუში 82 კალორიას შეიცავს.

კვირაში 3 ულუფა ნუში მაინც უნდა მიირთვათ.

• ხორბლის პური

ხორბლის პური ენერგიის ერთ-ერთ უმთავრეს წყაროს წარმოადგენს, რადგან ნახშირწყლებით საკმაოდ მდიდარია. ძირითადი, რაც უნდა გაითვალისწინოთ მისი შეძენისას ინგრედიენტებზე დაკვირვების მეთოდია. აუცილებელია თქვენ მიერ შეძენილი პროდუქტი ნამდვილი ხორბლის პური იყოს. ამას მხოლოდ ფერით ვერ განსაზღვრავთ. აუცილებლად გაეცანით ეტიკეტს და შემადგენლობას. მაშინაც კი, როდესაც დიეტაზე იმყოფებით, მცირე რაოდენობით ნამდვილი ხორბლის პური ძალიან სასარგებლო და აუცილებელიც კია თქვენი ორგანიზმისთვის.

2 ნაჭერი პური 140 კალორიას შეიცავს.

კვირაში 6 ნაჭერი მიირთვით.

• საქონლის ხორცი

საქონლის ხორცი არამხოლოდ ამინომჟავებითაა მდიდარი, ის უხვად შეიცავს რკინასა და თუთიას, რაც სისხლის მიმოქცევისთვის მისწრებაა. ის წარმოუდგენლად მდიდარია მკვებავი ნივთიერებებით, როგორებიცაა ფოსფორი, ვიტამინ B6 და B12, ცილები და რიბოფლავინი. ცხიმზე ღელავთ? არ გჭირდებათ, რადგან თანამედროვე ძროხის ხორცში 20 %- ით ნაკლები ცხიმია, ვიდრე ეს 10 წლის წინ იყო.

83 გრამი საქონლის ხორცი 163 კალორიას შეიცავს.

მიირთვით კვირაში 3-4 ულუფა.