7 ფიტნეს რჩევა 30 წელს გადაცილებულ მამაკაცებს
30 წელს გადაცილებული მამაკაცებისთვის ფიტნესს განსხვავებული წესები აქვს. მათი გათვალისწინება კი აუცილებელია. სტატიაში თითოეულ მათგანს ცალ-ცალკე განვიხილავთ. მაშ ასე, გაეცანით 7 კანონს, რომელთა უგულებელყოფა არ ივარგებს.
- დაივიწყეთ ყველაფერი, რაც ფიტნესის შესახებ აქამდე გსმენიათ
თუ წელიწადზე მეტია ვარჯიშობთ და შედეგი არ გაქვთ, ეს იმას ნიშნავს, რომ ფიტნესისა და სწორი კვების შესახებ თქვენი შეხედულებები მცდარია და მათი რადიკალურად შეცვლა გჭირდებათ.
მთავარი ნაბიჯი, რომლის გადადგმა მოგიწევთ საკუთარი თავის ობიექტური შეფასებაა. თქვენ უნდა დააკვირდეთ საკუთარ სხეულს და მისი ძლიერი და სუსტი მხარეები გამოკვეთოთ. თუ თქვენ გამორჩეული ფეხები გაქვთ, ხოლო თქვენი სხეულის ზედა ნაწილი არცთუ შთამბეჭდავად გამოიყურება, სირბილს უნდა მოუკლოთ და დელტისა და მკერდის კუნთების ვარჯიშებზე გააკეთოთ აქცენტი.
- იმუშავეთ ტანადობაზე
სპორტული სხეულის ჩამოსაყალიბებლად ყველაზე მარტივი გზა ტანადობაზე მუშაობაა. კუნთოვანი მასის გასაზრდელად 6 თვიანი ვარჯიში მაინც დაგჭირდებათ, მაგრამ ტანადობის გასაუმჯობესებლად რამდენიმე კვირაც კმარა. გარშემომყოფები აუცილებლად დაიწყებენ აღნიშვნას, რომ თქვენ უკეთ გამოიყურებით.
ლამაზი სხეულის დაყენება მხოლოდ კუნთების ზრდით არ გამოდის, აუცილებელია სხეული სწორად გეჭიროთ და ხერხემალი გამართული გქონდეთ. ყურადღება მთლიან გამოსახულებაზე გადაიტანეთ.
- სირბილი სიარულით შეცვალეთ
საზოგადოდ სირბილს ორგანიზმზე ძალიან კარგი გავლენის მოხდენა შეუძლია, მაგრამ არასწორი სირბილი გაცილებით მეტ ზიანს მოგაყენებთ, ვიდრე სარგებელს მოგიტანთ. მისი დახმარებით წონაშიც დაიკლებთ, მაგრამ სირბილზე მნიშვნელოვანი სწორი კვებაა. სიარულთან შედარებით სირბილს მხოლოდ 2-ჯერ მეტი კალორიის დაწვა შეუძლია.
უმჯობესია, თუ ყოველდღიურად 40-50 წუთით გაისეირნებთ და ყურადღებას გაამახვილებთ იმაზე, თუ როგორ გიჭირავთ ამ დროს სხეული. იდეალური იქნებოდა, თუ ამას სარბენ ბილიკზე გააკეთებდით და სარკესაც გამოიყენებდით.
- ივარჯიშეთ თანმიმდევრულად
დიდი ალბათობით, თქვენ ასრულებთ ისეთ ვარჯიშებს, როგორებიცაა ძალოვანი ვარჯიშები, თუმცა ვერ ერკვევით, თუ რომელ კუნთებს ტვირთავთ უფრო მეტად და რატომ.
თავდაპირველად ჩაჯდომებით, აზიდვებით და სხვა უფრო მსუბუქი ვარჯიშებით უნდა დაიწყოთ. შტანგა და განტელი მხოლოდ შემდეგი საფეხური უნდა იყოს. საჭიროა ამისთვის კარგად მოემზადოთ და შემდეგ სცადოთ.
- შეცვალეთ ცხოვრების წესი
ცდებით, თუ ფიქრობთ რომ კვირაში 3 საათით ვარჯიში რამეს შეცვლის, თუ დანარჩენ 165 საათს უსარგებლოდ დახარჯავთ. არ აქვს მნიშვნელობა დარბაზში რამდენად დაიტვირთებით, თუ ისევ ისე იცხოვრებთ, როგორც ყოველთვის ცხოვრობდით.
დაფიქრდით, როგორ სხედხართ სამსახურში, ხომ არ აზიანებთ ხერხემალს, როგორ პოზაში გძინავთ, რამდენად უფრთხილდებით თქვენს სხეულს, ხომ არ იყენებთ მას, როგორც მხოლოდ სამუშაო ინსტრუმენტს?!
- ყურადღება მიაქციეთ კვებას
მიუხედავად იმისა, რომ დიეტები უფრო ქალურ თემად ითვლება, მათ მამაკაცების წონაზე გაცილებით მაღალი ეფექტის მოხდენა შეუძლიათ.უმჯობესია ერთ ქილა კოკა-კოლაზე თქვათ უარი, ვიდრე 15 წუთის მანძილზე ირბინოთ.
- წარუმატებლობას გენეტიკას ნუ მიაწერთ
წონის მატება 30 წლის ასაკში გენეტიკის ბრალი სულაც არ არის. მეტაბოლური პროცესები 35 წლის მამაკაცს გაცილებით შენელებული აქვს, ვიდრე 18 წლის მოზარდს. სხვაობა დაახლოებით 10-15 %- ია. მთავარი მიზეზი ის არის, რომ მოზარდები გაცილებით მეტს მოძრაობენ.
კვების არასწორი რეჟიმი, უძრავი ცხოვრების წესი - აი, ის მთავარი მიზეზები, რომელთა გამოც თქვენი კუნთოვანი სისტემა სუსტდება.
