ფლექს ლუისი მძიმე კატეგორიაში გადაინაცვლებს
ექვსი წლის განმავლობაში ბრიტანელმა ჯეიმს ფლექს ლუისმა არაერთხელ დაამტკიცა, რომ 96 კილოგრამამდე კატეგორიაში ის საუკეთესო ბოდიბილდერია. ფლექსი ყოველწლიურად აუმჯობესებდა საკუთარ მონაცემებს. მისტერ ოლიმპია 212 კატეგორიაში მოქმედმა ჩემპიონმა სენსაციური განცხადება გააკეთა. ლუისის თქმით 2018 წლის შემოდგომაზე ლას-ვეგასში ის მსუბუქ კატეგორიაში უკანასკნელად იასპარეზებს. ჯეიმსის გულშემატკივრების გასახარად ათლეტის მწვრთნელმა საკუთარ ინსტაგრამზე განცხადება გააკეთა, რომ ფლექსი ბოდიბილდინგიდან არ მიდის და ის სხვა კატეგორიაში იასპარეზებს.
ფლექს ლუისი საკუთარ ტიტულს ჩემპიონობის პირველივე დღიდან ღირსეულად იცავდა. ის ბევრს მოგზაურობდა და ყველგან 96 კილოგრამამდე კატეგორიაში ასპარეზობდა. ლუისი მძიმე კატეგორიის კონკურსანტებს სავარაუდოდ 2020 წლიდან შეუერთდება. მას სერიოზული მომზადება სჭირდება, რათა მძიმე წონოსანთა ღირსეულ კონკურენტად ჩამოყალიბდეს.
