სწრაფად დაამარცხეთ კუნთების ტკივილი - 10 სასარგებლო რჩევა
ჩონჩხის კუნთი მილიონობით კუნთოვან უჯრედს შეიცავს. კუნთის დაზიანებისას მისი თითოეული უჯრედიც ზიანდება. მასაჟი, ცურვა, კარგი ძილი და სწორი კვება კუნთების გამოჯანსაღების პროცესს აჩქარებს და გეხმარებათ ძალების აღდგენაში. გთავაზობთ ათ სასარგებლო რჩევას, რომლებიც ტკივილთან გამკლავებაში დაგეხმარებათ და დარბაზში სწრაფად დაგაბრუნებთ.
- სვით მეტი წყალი
ჰიდრატაციის მაღალი ხარისხი მთელს ორგანიზმს ეხმარება უკეთ ფუნქციონირებაში. თქვენი კუნთების 75 % წყლისგან შედგება. დღის განმავლობაში 4 ლიტრამდე წყალი მაინც უნდა დალიოთ. მიღებული წყლის რაოდენობის გაზრდას შეუძლია არაუჯრედოვანი სითხის შეკავება მინიმუმამდე დაიყვანოს.
- გაიმდიდრეთ ვარჯიშის შემდგომი მენიუ
ვარჯიშის შემდგომ კვებაში აუცილებლად უნდა ჩართოთ ნახშირწყლები, რითაც პროტეინების მოქმედების შესუსტებას შეუშლით ხელს. ნახშირწყლები ავლენენ პროტეინების დამზოგველ ხასიათს, რაც იმას გულისხმობს, რომ ისინი საშუალებას აძლევენ პროტეინებს მაქსიმალურად გააკეთონ თავისი საქმე კუნთოვანი ქსოვილის აღდგენასთან დაკავშირებით. გახსოვდეთ, რომ ნახშირწყლებისა და პროტეინების ერთობლივი მიღებით კუნთოვანი მასის გლიკოგენური მარაგის შევსება გაცილებით მარტივად ხდება. წინაღობითი ვარჯიშის შემდეგ 2 საათის მანძილზე საჭირო საკვების მიღება კუნთოვანი მასის ზრდას უწყობს ხელს.
- მიმართეთ მასაჟს
კვლევებით დასტურდება, რომ სპორტული მასაჟი ვარჯიშის შემდგომ ძალების აღდგენას უწყობს ხელს და შესრულების ხარისხსაც მნიშვნელოვნად აუმჯობესებს. თქვენ შეგიძლიათ თვითმასაჟითაც დაკავდეთ და თავი აარიდოთ სპორტული მასაჟის სიძვირეს.
- შეისვენეთ
ნებისმიერი ვარჯიშის შემდეგ დასვენებას გარკვეული დრო სჭირდება. ძალების აღსადგენად დროის ფაქტორს გადამწყვეტი მნიშვნელობა ენიჭება. თქვენს ორგანიზმს წარმოუდგენელი შესაძლებლობები აქვს, თავად იზრუნოს საკუთარ თავზე, თუ ამისთვის საკმარის დროს მისცემთ. დასვენება და ლოდინი მძიმე ვარჯიშის შემდეგ საშუალებას გაძლევთ ძალები ბუნებრივი გზით აღიდგინოთ.
- ძალების აქტიურად აღდგენა სცადეთ
მსუბუქი წინაღობითი ვარჯიშები, რომლებიც თქვენს ორგანიზმში სისხლის მიმოქცევას გააუმჯობესებს და კუნთებს ტონუსში მოიყვანს, ძალების აღდგენის აქტიურ გზად განიხილება. ის ორგანიზმიდან გამოდევნის უსარგებლო პროდუქტებს, რომლებიც კუნთების გამოჯანსაღებას ხელს უშლიან. აქტიური გამოჯანმრთელების სავარჯიშოებში შედის : სიარული, ველოსიპედით სეირნობა, იოგა, ცურვა და სხვა დაბალი ინტენსივობის აქტივობები.
- კარგად გამოიძინეთ
ადექვატური ძილი საშუალებას მისცემს თქვენს კუნთებს სწრაფად გამოჯანმრთელდნენ, ხოლო თქვენ შემდეგ ვარჯიშზე მისული გაცილებით უკეთეს ფორმაში იქნებით. თქვენი მიზანია დღე-ღამეში 7-8 საათი მაინც იძინოთ. საუკეთესო შემთხვევაში, თქვენ ღამით ერთსა და იმავე დროს უნდა დაწვეთ და დილით ერთსა და იმავე დროს უნდა გაიღვიძოთ. ასე ძილის რეჟიმს მარტივად მოიწესრიგებთ.
- მიიღეთ პროტეინებით მდიდარი საკვები
კვერცხი, ხორცი, თევზი, პარკოსნები, მწვანილეული პროტეინების საუკეთესო წყაროებს წარმოადგენენ. დღიურად თქვენ 70-100 გრამამდე პროტეინი მაინც უნდა მიიღოთ. სოიოს მარცვლები და ლობიოს სხვა და სხვა სახეობა პროტეინების საჭირო რაოდენობის მისაღებად საუკეთესო არჩევანია. ნებისმიერი კვებისას თქვენს მთავარ კერძად პროტეინით მდიდარი საკვები უნდა გქონდეთ. საღამოს პროტეინით მდიდარი მსუბუქი ხემსის მიღება კი მთელი ღამის მანძილზე კუნთოვანი ქსოვილის აღდგენით პროცესებს ააქტიურებს.
- მიიღეთ დანამატები
მაგნეზიუმი კუნთებს თვითაღდგენაში ეხმარება და აძლიერებს. ის ხელს უწყობს კუნთოვანი მასის გაზრდასაც. მაგნეზიუმი კუნთების ტკივილს ამცირებს და გამოჯანსაღების პროცესს აჩქარებს. დღიური რეკომენდებული დოზა 300 მგ. - ს არ აღემატება.
- მიიღეთ ცივი აბაზანა
ვარჯიშის შემდეგ ცივი აბაზანის მიღება მთელს სხეულში ტკივილის შეგრძნებას გაგიქრობთ და ანთებით პროცესებს შეაჩერებს. ეფექტი კი 24 საათის განმავლობაში შენარჩუნდება.
- უარი თქვით მოწევაზე და შეამცირეთ ალკოჰოლის მიღება
კვლევებმა აჩვენა, რომ რთული დღის შემდეგ ერთი-ორი ჭიქა ალკოჰოლის მიღებაც კი ანელებს გამოჯანსაღების პროცესს. იგივე ეფექტი აქვს მოწევასაც.
უსმინეთ საკუთარ სხეულს. თუ გრძნობთ, რომ სუსტად ხართ, ტკივილები გაქვთ და შესრულების ხარისხიც დაგიქვეითდათ, ე.ი. თქვენს ორგანიზმს დასვენება სჭირდება. თუკი სრული დატვირთვით ვარჯიშის შემდეგ თავს შესანიშნავად გრძნობთ, არ არის საჭირო დატვირთვის შემცირება და გამოჯანსაღებაზე ფიქრი, რადგან ყველაფერი კარგად არის.
