პოპულარული დიეტა „ზონა“ - უპირატესობები და ნაკლოვანებები
ცნობილი დიეტა „ზონა“ წლებია პოპულარობას არ კარგავს. მის მთავარ მიზანს რაციონში ნახშირწყლების, ცილებისა და ცხიმების ბალანსირებული ჩართვის უზრუნველყოფა წარმოადგენს, რაც ორგანიზმში ანთებითი პროცესების განვითარებას შეუშლის ხელს და თქვენს ჯანმრთელობას მრავალმხრივ გააუმჯობესებს. სტატიაში პოპულარული დიეტის შესახებ საჭირო ინფორმაციას მოგაწვდით და მის დადებით და უარყოფით მხარეებზე ვისაუბრებთ.
დიეტა „ზონა“ მის მიმდევრებს სპეციფიკურ რაციონს სთავაზობს და მასში ნახშირწყლების, ცილებისა და ცხიმების რაოდენობას რაციონალურად ანაწილებს. დიეტის მიმდევართა რაციონის 40%-ს ნახშირწყლები უნდა შეადგენდეს, პროტეინების რაოდენობა 30%-ს არ უნდა აღემატებოდეს, ისევე როგორც ცილებისა.
დიეტა აუცილებლად ითვალისწინებს შემდეგს: ნახშირწყლებს დაბალი გლიკემიური ინდექსი უნდა ჰქონდეთ, რათა სისხლში შაქრის გამოთავისუფლება შენელდეს და დანაყრების შეგრძნება დიდხანს გაგყვეთ. საკვებად უბრალო ცილებს და უჯერ ცხიმებს უნდა იყენებდეთ.
პოპულარული დიეტის ავტორი ამერიკელი ბიოქიმიკოსი დოქტორი ბარი სიერსია. მისი წიგნი „ზონა“ გამოსვლისთანავე ნამდვილ ბესტსელერად იქცა. მან მთავარ მიზნად ორგანიზმში მიმდინარე ანთებით პროცესებთან ბრძოლა დაისახა. დოქტორ სიერსის თქმით, ადამიანების წონაში მატების, ნაადრევი დაბერებისა და ქრონიკული დაავადებების მთავარ მიზეზს სწორედ ანთებითი პროცესები წარმოადგენენ.
დიეტას არ გააჩნია სპეციფიკური ფაზები და მის მიმდევრად დარჩენა მთელი ცხოვრების მანძილზე შეგიძლიათ. დიეტის დასაწყებად თქვენ მხოლოდ თქვენი თვალების და ხელების იმედად შეგიძლიათ იყოთ და ულუფების ზომები გადაანაწილოთ. საკუთარ 5 თითს რომ შეხედავთ, უნდა გაგახსენდეთ, რომ დღეში 5-ჯერ უნდა ჭამოთ და 5 საათის მანძილზე არასდროს უნდა იყოთ მშიერი.
თვალი ულუფების ზომების გაკონტროლებაში დაგეხმარებათ. თქვენი თეფში 3 ნაწილად უნდა იყოფოდეს და ნახშირწყლებს, ცილებსა და ცხიმებს თავიანთი ადგილი უნდა მიუჩინოთ. დიეტა იმდენად ელასტიურია, რომ საშუალებას გაძლევთ რესტორნებში იკვებოთ და ულუფების გადანაწილებისას საკუთარ თვალებსა და ხელებს მიენდოთ.
რა სახის პროდუქტების მირთმევაა ნებადართული დიეტის მიმდევართათვის?
პროტეინები:
- ძროხის ხორცი, ღორის ხორცი, ცხვრის ხორცი
- ქათმის ხორცი კანის გარეშე, ინდაურის ფრთა
- თევზი და მოლუსკები
- ვეგეტარიანული პროტეინები, ტოფუ, სოიოს პროდუქტები
- კვერცხის ცილა
- დაბალცხიმიანი ყველი
- დაბალცხიმიანი რძე და იოგურტი
ცხიმები:
- ავოკადო
- თხილეული. ნუში, ფისტა, არაქისი
- არაქისის კარაქი
- ტაჰინის სოუსი
- სეზამის, არაქისისა და ზეითუნის ზეთები
ნახშირწყლები:
- ხილი, როგორებიცაა კენკრა, ვაშლი, ფორთოხალი, ქლიავი და სხვა
- ბოსტნეული, როგორებიცაა კიტრი, წიწაკა, ისპანახი, პომიდორი, სოკო, ბარდა და ა.შ.
- მარცვლეული, როგორებიცაა შვრია და ქერი
„ზონის“ დიეტის უპირატესობები
„ზონის“ დიეტას უამრავი უპირატესობა აქვს. ის არ იძლევა მკაცრ რეკომენდაციებს და არ გამოირჩევა ზედმეტი შეზღუდვებით, თუმცა შაქრის დანამატებსა და გადამუშავებულ საკვებს კრძალავს. მისი მიმდევრები ზედმეტად არ იტანჯებიან.თუ დიეტას უერთგულებთ, თქვენ შეგიძლიათ ისარგებლოთ შემდეგი უპირატესობებით:
- გამოემშვიდობოთ ზედმეტ ცხიმებს სწრაფად და ეფექტურად
- ხელი შეუწყოთ ასაკის მატებასთან ერთად ჯანმრთელობის შენარჩუნებას
- შეანელოთ დაბერების პროცესი
- გაიაქტიუროთ აზროვნების პროცესი და გახდეთ უფრო მოქნილი
„ზონის“ დიეტის ნაკლოვანებები
მიუხედავად იმისა, რომ პოპულარულ დიეტას ბევრი სარგებელი მოაქვს, უნაკლო არც ის გახლავთ.
დიეტის ავტორი პირობას დებს, რომ დიეტა ათლეტების შესრულების ხარისხს ამაღლებს, თუმცა თავად ათლეტები ამ მოსაზრებას ერთხმად არ იზიარებენ. ზოგიერთი მათგანი აღნიშნავს, რომ დიეტის საშუალებით წონაში ნამდვილად დაიკლეს, თუმცა მათი ამტანობის მაჩვენებელმაც იკლო.
კვლევებით საკმარისად დადგენილი არ არის დიეტის მიერ შემოთავაზებული ნახშირწყლების, ცხიმებისა და ცილების კომბინაცია რამდენად ოპტიმალურია წონაში კლებისა და ჯანმრთელობის მდგომარეობის გაუმჯობესებისთვის.
