7 საიმედო საკვები დანამატი თქვენი ჯანმრთელობისთვის
რა სახის საკვები დანამატები უნდა მივიღოთ? - ეს ის კითხვაა, რომელიც ძალიან ბევრ ჩვენგანს გვაწუხებს. გავეცნოთ კვების სპეციალისტის დოქტორ ქრის მორის რჩევებს აღნიშნულ საკითხთან დაკავშირებით. თუ მის სიტყვებს დავეყრდნობით, არსებობს 7 სახის საკვები დანამატი, რომლის მოსაპოვებლად გარკვეული თანხის დახაჯვა ნამდვილად ღირს.
- თევზის ქონი
ადამიანის ორგანიზმი ძალიან ბევრ ვიტამინს და მინერალს თავადვე გამოიმუშავებს, თევზის ქონი კი მათს რიცხვში არ შედის. ამიტომაც გვჭირდება საკვები დანამატები, რომ ორგანიზმმა მოახერხოს დანაკარგის ხელოვნურად შევსება. დოქტორი მორის თქმით, თევზის ქონი ის საკვები დანამატია, რომელიც აუცილებლად უნდა მივიღოთ. რა თქმა უნდა, თევზის ქონის მიღება თევზის ჭამითაც შეგვიძლია, მაგრამ ასე მარაგს სრულად ვერ შევივსებთ. ზოგიერთი ადამიანისთვის საკმარისი არ არის თევზის მირთმევა კვირაში ერთხელ ან ორჯერ, ამიტომ აუცილებელი ხდება დანამატების მიღება.
ამასთან დარწმუნებული უნდა ვიყოთ, რომ მეტ ომეგა 3- ს მოვიხმართ და არა ომეგა 6-ს, რომელიც ანთებითი პროცესების განვითარებას უწყობს ხელს. ომეგა 3-ს კი ანთების საწინააღმდეგო ეფექტი აქვს. ხარისხიანი თევზის ქონის მიღება ამცირებს ორგანიზმში ტრიგლიცერიდის დონეს, ასევე გულის დაავადების განვითარების რისკს, გვმატებს მხნეობას, ხელს უწყობს ტვინის უკეთ მუშაობას, ამცირებს დიაბეტის განვითარების საფრთხეს და ზოგჯერ წონის კლებაშიც გვეხმარება. სასურველია, დავაკვირდეთ ომეგა 3-ის მწარმოებელ ბრენდებს, რადგან EPA და DHA თევზის ქონებს შორის საუკეთესოებად ითვლება და მათი ჩართვა რაციონში, აუცილებლად მოგვიტანს სარგებელს.
- D ვიტამინი
D ვიტამინი არანაკლებ მნიშვნელოვანია, ვიდრე ომეგა 3. ამერიკელთა უმრავლესობას სისხლში ვიტამინ D-ს ნაკლებობა აღენიშნება, რადგან საკვებიდან მისი საჭირო რაოდენობით მიღება ვერ ხერხდება. საკვები პროდუქტებიდან დიდი რაოდენობით D ვიტამინს შეიცავს: ორაგული, რძე და სარდინები. ყველამ ვიცით, რომ მზის სხივები D ვიტამინის საუკეთესო წყაროს წარმოადგენენ, მაგრამ ზამთრის თვეებში ადამიანები დროის უმეტეს ნაწილს სახლში ატარებენ და გარეთაც თბილად ჩაცმულები გამოდიან, რაც მზის სხივებისგან მაქსიმალურად გვიცავს. ვიტამინ D-ს არ შეუძლია ორგანული დაავადებებისგან განგვკურნოს, მაგრამ მისი მიღებით ჩვენს სასიცოცხლო უნარებს მნიშვნელოვნად ვაუმჯობესებთ და ყველაფერი უკეთესობისკენ იცვლება.
- რძის შრატის ცილა
მაღალხარისხიანი ომეგა-3 და D ვიტამინი ჩვენთვის სასიცოცხლოდ მნიშვნელოვანია, რძის შრატის ცილა კი სასურველია, მივიღოთ. ის მნიშვნელოვნად აუმჯობესებს ორგანიზმის ცხოველქმედებას, მნიშვნელოვან როლს ასრულებს კუნთების განვითარებაში, მათს გამოჯანსაღებაში, ასევე ცხიმების წვაში. სწრაფი და მარტივი საშუალებაა სასარგებლო კალორიების მისაღებად. დავამატოთ მცირე ხილი, არაქისის კარაქი და არაჩვეულებრივი ულუფაც მზად გვექნება. შეგვიძლია გემრიელად მივირთვათ.
- მწვანე დანამატები
მართალია, ხილს და ბოსტნეულს ვერ შეგვიცვლის, მაგრამ ორგანიზმისთვის სადაზღვევო პოლიციის ფუნქციას ასრულებს. ადამიანებს, რომლებიც ნაკლებ ხილსა და ბოსტნეულს მიირმევენ, მსგავსი დანამატები ძალიან ეხმარებათ.
ამასთან აუცილებლად უნდა ვიცოდეთ, რომ ხილი და ბოსტნეული ყოველთვის უკეთესია და სასარგებლო, ვიდრე დანამატების მიღება, მაგრამ თუ რაიმე მიზეზით თქვენ ვერ ახერხებთ მათ მიღებას, ან არასათანადო რაოდენობით ხილს და ბოსტნეულს მიირთმევთ, უმჯობესია, მსგავსი დანამატები გამოიყენოთ, ვიდრე განიცადოთ არასასურველი დანაკარგი.
- დარიჩინი
შესაძლოა, ბევრ ჩვენგანს დარიჩინი არასაჭირო დანამატად მოეჩვენოს, მაგრამ ეს სანელებელი მდიდარია ანტიოქსიდანტებით, რითაც ხელს უწყობს ორგანიზმის დაცვას ინფექციებისა და ვირუსებისგან, ასევე აფერხებს დაბერების პროცესს.
რაც უფრო მნიშვნელოვანია, კვლევებმა დაადასტურა, რომ ეს სანელებელი, ორგანიზმში ინსულინის დონეს ასტაბილურებს, ეს კი უმნიშვნელოვანესია სისხლში შაქრის დონის გასაკონტროლებლად და ნახშირწყლების ნორმალურ შეწოვას უწყობს ხელს.
კვლევებით დადასტურებულია, რომ დღეში ნახევარი ჩაის კოვზი დარიჩინი სასარგებლო საკვები დანამატია.
- კურკუმა
კურკუმას ძირითადად ინდურ კერძებში იყენებენ. მეცნიერულად შესწავლილია, რომ კურკუმას სიმსივნის საწინააღმდეგო, ანტი-ვირუსული, ანტი-ართრიტული და ანტი-ანთებითი მოქმედება ახასიათებს.
უმნიშვნელოვანესი კვლევები,რომლებიც კურკუმაზე ჩატარდა, მიმდინარეობდა კლინიკებში, ალცჰაიმერით, სიმსივნით და სხვა მძიმე დაავადებებით შეპყრობილ პაციენტებთან. თუმცა კურკუმა ჯანმრთელ ადამიანსაც ძალიან გამოადგება, რადგან მას ანტი-ანთებითი მოქმედება ახასიათებს და ორგანიზმს ინფექციებისგან იცავს.
თქვენ შეგიძლიათ დღეში 500 მგ. კურკუმა დაიმატოთ თქვენს კერძებში.
- პრობიოტიკები
ჩვენ დღიურად დიდი რაოდენობით საკვებს მივირთმევთ და ვაკვირდებით ჩვენს მომნელებელ სისტემას. ცნობილია, რომ სასარგებლო ბაქტერიებს საკვების გადამუშავებაში მნიშვნელოვანი როლი აქვთ. პრობიოტიკებს შეუძლიათ ჩვენს ორგანიზმში სასარგებლო ბაქტერიების რაოდენობის შევსება და აუცილებელი ბალანსის აღდგენა. რა სარგებლობას მოგვიტანს ეს?! ნაკლებად შეგვაწუხებს შებერილობა, გაზები, ტკივილი მუცლის არეში, ანთებითი პროცესები. ჩვენს ნაწლავებში უამრავი სასარგებლო და მავნე ბაქტერია ბუდობს, პრობიოტიკები მათ შორის ბალანსს იცავენ.
არსებულ ჩამონათვალში არ არის განხილული ყველა სასარგებლო საკვები დანამატი, რომელიც ჩვენს ორგანიზმს ჭირდება. ეს დამოკიდებულია იდნივიდუალურ შემთხვევებზე და კვების განსაზღვრულ რეჟიმზე. დოქტორ მორის სიაში ვერ მოხვდა მაგ. კრეატინი, რომელიც ძალიან სასარგებლო დანამატად ითვლება. მიუხედავად იმისა,რომ ზოგიერთი საკვები დანამატი ორგანიზმს აჯანსაღებს, კვების სპეციალისტების თქმით, უმჯობესია, თუ ვიტამინების და მინერალების საჭირო რაოდენობას სწორედ ჯანსაღი კვებით და არა საკვები დანამატების მეშვეობით მივიღებთ.
