როგორ დავიკლოთ 5 კილო ერთ თვეში
წონაში დაკლების მსურველებს ხშირად არარეალური მიზნები აქვთ. არსებობენ ადამიანები, რომლებიც ფიქრობენ, რომ ერთ კვირაში წელის გარშემოწერილობის ორჯერ შემცირება სავსებით შესაძლებელია. ზოგიერთი კი ოცნებობს მოხდენილი მუცლის კუნთები ერთი ვარჯიშით დაიყენოს, რაც, ბუნებრივია, დიდი შეცდომაა. თუმცა კონკრეტული და თვალსაჩინო მიზნის ქონაში ცუდი არაფერია. თუ თქვენ გსურთ, რომ ერთ თვეში 5 კილოგრამი დაიკლოთ, ამის გაკეთებას ჯანმრთელობის ზედმეტი რისკების გარეშეც შეძლებთ. მართალია, 30 დღე მსგავსი შედეგის მისაღებად არც ისე ბევრია, როგორც ეს ერთი შეხედვით ჩანს, მაგრამ შეუძლებელი ნამდვილად არაფერია. ჩვენს სტატიაში პრაქტიკული რჩევებით მოგამარაგებთ და გასწავლით, როგორ უნდა დაიკლოთ უსაფრთხოდ 5 კილოგრამი ერთი თვის განმავლობაში. ხანმოკლე და მკაცრი დიეტები აუცილებლად უნდა დაივიწყოთ. მიზნის მისაღწევად ფსიქიკური მზაობა, ჯანსაღი კვების რეჟიმის ერთგულება და ვარჯიში დაგჭირდებათ. გთავაზობთ რჩევებს, რომლებიც წონაში კლების რთულ გზას მნიშვნელოვნად გაგიმარტივებთ.
დათვალეთ კალორიები
მართალია, რომ პროდუქტებს, რომლითაც იკვებებით უდიდესი მნიშვნელობა აქვს. ყველა კალორია ერთნაირი არ არის. რაც უფრო არაჯანსაღია საკვები, რომელიც მიირთვით, მით უფრო უსარგებლო და მავნეა მისგან მიღებული კალორიებიც. თუმცა კალორიები ნებისმიერ შემთხვევაში უნდა დათვალოთ, არ აქვს მნიშვნელობა მხოლოდ ჯანსაღი პროდუქტებით იკვებებით, თუ უარს არაფერზე ამბობთ. როდესაც კონკრეტული მიზანი გაქვთ და გსურთ 5 კილო ერთ თვეში დაიკლოთ, კალორიების დათვლა აუცილებლად მოგიწევთ. ზედმეტი კილოგრამებისგან გასათავისუფლებლად იმაზე მეტი კალორია უნდა დაწვათ, ვიდრე იღებთ. კალორიების დასაწვავად ვარჯიში გესაჭიროებათ. გარდა ამისა, თქვენ კალორიებს მოსვენებულ მდგომარეობაშიც წვავთ. ამ მხრივ ყველა ადამიანი ინდივიდუალურია, რადგან თითოეულ მათგანს განსხვავებული მეტაბოლიზმი აქვს. თითოეული ადამიანისთვის განსხვავებულია დღის განმავლობაში მისაღები კალორიების რაოდენობაც. ქალბატონებმა, რომლებსაც ზედმეტი კილოგრამებისგან გათავისუფლება სურთ, დღის განმავლობაში საშუალოდ 1600 კალორიამდე უნდა მიიღონ. უფრო მეტი კალორიის მიღება სასურველი არ არის. თუმცა, კიდევ ერთხელ უნდა ავღნიშნოთ, რომ თითოეული ადამიანი ინდივიდუალურია (ზოგს შესაძლოა მეტი კალორია დასჭირდეს, ზოგს - ნაკლები).
გთავაზობთ ერთი დღის კვების რაციონს რომელიც ჯამში 1600 კალორიას შეიცავს.
საუზმე : ¾ ფინჯანი შვრია - 225 კალორია, 2 სუფრის კოვზი უცხიმო რძე - 10 კალორია, 2 სუფრის კოვზი გოგრა - 10 კალორია, 1 ჩაის კოვზი გოგრის ნამცხვრის ნაჭერი - 6 კალორია, 2 სუფრის კოვზი ამერიკული თხილი - 89 კალორია, 1 ჩაის კოვზი ნეკერჩხლის სიროფი - 17 კალორია.
ხემსი: ½ ფინჯანი დაჭრილი ატამი - 30 კალორია.
ლანჩი: 1 ფინჯანი სალათის ფურცელი - 16 კალორია, ½ ფინჯანი მწვანე ლობიო - 100 კალორია, ½ ფინჯანი კიტრი - 8 კალორია, 3 ცალი პომიდორი - 30 კალორია, ¼ პაპრიკა - 13 კალორია, 2 სუფრის კოვზი დაბლენდერებული წითელი ხახვი - 2 კალორია, ½ ფინჯანი სტაფილო - 26 კალორია, 1 სუფრის კოვზი რბილი, დაბალცხიმიანი ყველი - 30 კალორია, 2 ნაჭერი ინდაურის ხორცი - 70 კალორია, 2 სუფრის კოვზი ძმარი - 60 კალორია.
ხემსი : 1 ჭიქა ბერძნული იოგურტი - 100 კალორია, ½ ფინჯანი მარწყვი - 16 კალორია.
სადილი: 1/4 ფინჯანი ოსპი- 288 კალორია, ½ ყაბაყი - 15 კალორია, ¼ ტკბილი კარტოფილი - 22 კალორია, ½ ფინჯანი ბროკოლი - 9 კალორია, ½ ჩაის კოვზი მარილი - 0 კალორია, 1 ჩაის კოვზი კვლიავი - 8 კალორია, 1 ჩაის კოვზი დაფქული ჩილი - 7 კალორია, ¾ ჩაის კოვზი ნიორი - 7 კალორია, ½ ჩაის კოვზი შავი წიწაკა - 3 კალორია, ¼ ფინჯანი შავი ლობიო - 55 კალორია, 1 სუფრის კოვზი კარაქი - 102 კალორია, 1 ცალი კვერცხი - 72 კალორია, ¼ ფინჯანი სალსას სოუსი - 17 კალორია.
ხემსი: ნიახურის ფოთლები - 8 კალორია, 3 სუფრის კოვზი არაქისის კარაქი - 90 კალორია, 25 მარცვალი ქიშმიში - 39 კალორია, 1 ჭიქა შავი ჩაი - 0 კალორია.
ჯამი : 1600 კალორია.
იკვებეთ ჯანსაღად
ჩვენ ხშირად ავღნიშნავთ, რომ ბევრი ხილისა და ბოსტნეულის მირთმევით წონაში არავის მოუმატია, რადგან ეს სრული ჭეშმარიტებაა. შეგიძლიათ ფინჯანი თამამად გაავსოთ ხილით, ბოსტნეულით, ჯანსაღი ცილებისა და ცხიმების შემცველი პროდუქტებით. საბოლოოდ დაემშვიდობეთ გადამუშავებულ საკვებსა და ტკბილ, გაზიან სასმელებს. შაქრის დანამატების მიღებასაც ერიდეთ. თქვენ მიერ მიღებული კალორიების დათვლითა და მხოლოდ ჯანსაღი პროდუქტების მირთმევით მიზანს მაქსიმალურად მიუახლოვდებით. ეცადეთ, უმეტესად მცენარეული საკვები მიიღოთ. კვებასთან დაკავშირებით კიდევ რამდენიმე რჩევა უნდა გაითვალისწინოთ:
- საკვები ნელა მიირთვით - როდესაც საკვებს კარგად ღეჭავთ და ნელა ჭამთ, თქვენი ორგანიზმი გადაძღომის საფრთხეს თავიდან იცილებს, რადგან ასე უფრო ადვილად ხვდებით, როდის ნაყრდებით.
- უპირატესობა მიანიჭეთ უჯრედისით მდიდარ საკვებს - დიეტაზე მყოფი ადამიანები კალორიების ნაკლებობის გამო შიმშილს განიცდიან. უჯრედისის მიღება სისავსის შეგრძნებას გაგიჩენთ, ის შებერილობისა და ყაბზობისგანაც დაგიცავთ.
- მიიღეთ დიდი რაოდენობით წყალი - ჰიდრატაცია გადაძღომისგან გიცავთ, რადგან ადამიანებს ხშირად წყურვილისა და შიმშილის შეგრძნებები ერთმანეთში ერევათ და ორგანიზმში სითხის ნაკლებობის გამო ბევრს მიირთმევენ. წყალი ვარჯიშშიც დაგეხმარებათ, რადგან ის თქვენი შესრულების ხარისხს მნიშვნელოვნად გაზრდის.
გამოიყენეთ კარდიოსა და ძალოვანი ვარჯიშების კომბინაცია
მხოლოდ ჯანსაღი კვებითა და კალორიების დათვლით მიზანს ვერ მიაღწევთ. ეს ნახევარია იმისა, რისი გაკეთებაც გჭირდებათ. მიზნის მიღწევას ვარჯიშის გარეშე ვერ შეძლებთ. ადამიანთა უმეტესობამ არ იცის, როგორ ივარჯიშოს და რა სახის ფიზიკურ დატვირთვას მიმართოს წონაში კლებისთვის. თუ წონაში დაკლება გსურთ, აუცილებლად უნდა დაიცვათ შემდეგი წესები:
- საშუალო ინტენსივობის კარდიოს კვირის განმავლობაში 150 წუთი მაინც უნდა დაუთმოთ. დატვირთვის ხანგრძლივობა ისე გადაანაწილეთ, როგორც გესიამოვნებათ. აქტივობებიც თქვენი გემოვნებით და სურვილით შეასრულეთ. შეგიძლიათ ირბინოთ, ველოსიპედით იაროთ და ა.შ. მთავარია, რომ სათანადოდ დაიტვირთოთ.
- კვირის განმავლობაში 2-3 დღე ძალოვან ვარჯიშებს უნდა დაუთმოთ, სხვაგვარად მეტაბოლიზმს ვერ გაიუმჯობესებთ. ძალოვანი ვარჯიშები თქვენს მუსკულატურას ყველაზე უკეთ ავითარებს. კუნთოვანი მასა კი თქვენს მეტაბოლიზმს აძლიერებს.
უმჯობესია, თუ კარდიოსა და ძალოვანი ვარჯიშის კომბინაციას გამოიყენებთ. ამაში ინტერვალური ვარჯიშები დაგეხმარებათ. შეგიძლიათ ერთ რუტინაში სხვა და სხვა სახის ვარჯიში ჩართოთ. მსგავსი ტიპის დატვირთვა გაცილებით მოსახერხებელიც არის და ეფექტურიც.
ყურადღება მიაქციეთ ჰორმონალურ ფონს
თუ ჰორმონალური ფონი მოწესრიგებული არ გაქვთ, წონაში დაკლება გაგიძნელდებათ. ეს განსაკუთრებით მენოპაუზის ეტაპზე მყოფ ქალბატონებს ეხებათ. ჰორმონალური დისბალანსი, რომელიც აღნიშნულ ეტაპს ახლავს, წონაში დაკლებას ართულებს, თუმცა შეუძლებელს ნამდვილად არ ხდის. თუ თქვენ დიეტაზე ხართ, ვარჯიშობთ, მაგრამ სასურველ შედეგს მაინც ვერ ხედავთ, მკურნალი ექიმის მონახულება მოგიწევთ. შეგიძლიათ კვების ექსპერტსაც მიაკითხოთ. წონაში კლების პროცესში საკმაოდ ბევრ სირთულესთან მოგიწევთ შეჯახება. შესაძლოა ფსიქოლოგიური დახმარებაც დაგჭირდეთ. ამან არ უნდა შეგაშინოთ. როდესაც იგრძნობთ, რომ სირთულეებს მარტო ვერ უმკლავდებით, დახმარებისთვის სპეციალისტს მიმართეთ.
რამდენიმე გაფრთხილება: როგორც უკვე ავღნიშნეთ, 1 თვეში 5 კილოგრამის დაკლება სავსებით შესაძლებელია, თუმცა სასურველი შედეგი გარანტირებული არასდროს არის. საბოლოო ჯამში ყველაფერი მაინც ინდივიდუალურ თავისებურებებსა და გენეტიკაზეა დამოკიდებული. შესაძლოა ეს უსამართლოდაც მოგეჩვენოთ, რადგან ზოგიერთ ადამიანს წონაში დაკლებისთვის ძალიან ცოტა დრო და ენერგია სჭირდება, ზოგისთვის კი მიზნის მიღწევა ძალიან რთული აღმოჩნდება ხოლმე.
ზოგჯერ წონაში სწრაფი კლება სასიხარულო სულაც არაა, რადგან ის ორგანიზმიდან ზედმეტი სითხის გამოდევნასთან არის დაკავშირებული. წონაში დაკლება თუ გსურთ, ზედმეტი ცხიმების დაწვა ორგანიზმის დეჰიდრატაციის გარეშე უნდა შეძლოთ. ჩვენ მიერ შემოთავაზებული პრაქტიკული რჩევები ერთ თვეში 5 კილოგრამის დაკლებაში დაგეხმარებათ, თან ისე, რომ მიღებული შედეგი ხანგრძლივად შეინარჩუნოთ და არც ჯანმრთელობას შეუქმნათ საფრთხე.
წარმატებებს გისურვებთ!
