ჯანსაღი და გემრიელი ლანჩის მარტივი რეცეპტები - პომიდვრის, ავოკადოსა და ყველის სენდვიჩი
პარმეზანის ყველის მცირე ულუფა ამ სენდვიჩს საოცარ გემოს მატებს. ცოცხალი მსხალიც არ გამოგრჩეთ, თუ ხილის გემო გესიამოვნებათ.
ინგრედიენტები, რომლებიც დაგჭირდებათ:
2 ნაჭერი პური
¼ დასრესილი ავოკადო
3 ნაჭერი პომიდორი
¼ ფინჯანი პარმეზანის ყველი
1 ფინჯანი სალათის ფურცელი ან ისპანახი
2 ჩაის კოვზი ძმარი
1 საშუალო ზომის მწიფე მსხალი
მომზადების დრო: 15 წუთი.
მომზადების წესი: პურზე მოათავსეთ პომიდორი, ავოკადო და მოაყარეთ ყველი. გახუხეთ ტოსტერში 4-6 წუთით, სანამ ყველი დნობას არ დაიწყებს. გამოიტანეთ გახუხული ტოსტი ტოსტერიდან. ყველს მოაყარეთ სალათის ფურცლები ან ისპანახი. მოაპკურეთ ძმარი. დააფარეთ პურის მეორე ნაჭერი. თუ გესიამოვნებათ, მორთეთ მსხლითაც. გემრიელად მიირთვით!
კალორიულობა: 439 კალორია. ცხიმი: 15 გრ. ბოჭკო : 14 გრ. ნახშირწყლები: 63 გრამი. ცილა: 18 გრ. ფოლიუმის მჟავა: 154 მგ. ქოლესტერინი: 14 მგ. შაქარი: 14 გ. C ვიტამინი: 33 მგ. კალციუმი: 404 მგ. რკინა: 3 მგ. ნატრიუმი: 620 მგ. კალიუმი: 990 მგ.
