ვარჯიშები ქალბატონებისთვის - ვზრდით სექსუალურ სიამოვნებას
სექსუალური ცხოვრება ყოველდღიურად უნდა ვითარდებოდეს. ჩვენ უკეთ უნდა ვეცნობოდეთ საკუთარ თავს, საკუთარ სურვილებსა და ფანტაზიებს, გამოვიყურებოდეთ კარგად და ვამზადებდეთ სხეულს სიამოვნების მისაღებად. ჩვენ მიერ შემოთავაზებული ვარჯიშებით თქვენ არამხოლოდ წონაში დაკლებას და გაძლიერებას მოახერხებთ, რაც გაცილებით მეტ ენერგიას მოგცემთ სექსუალური ცხოვრებისთვის, არამედ გასწავლით, როგორ გამოიმუშაოთ მეტი ენდორფინი და მაქსიმალურად გაიხანგრძლივოთ სიამოვნება სქესობრივი აქტისას. კვლევებით დადასტურებულია, რომ საკმარისია დღეში 20 წუთი ივარჯიშოთ, რათა პარტნიორისადმი მიზიდულობამ იმატოს და სექსუალურად მეტად აქტიურები გახდეთ. მოცემული ვარჯიშებით თქვენ გაიუმჯობესებთ სხეულის ზოგად მდგომარეობას, გაიმაგრებთ კუნთებს, რაც მეტ გამბედაობას შეგმატებთ ახალ ექსპერიმენტებთან მიმართებაში და შეგძენთ სიახლეებისადმი გახსნილობას.
გთავაზობთ 5 სპეციალურ ვარჯიშს, რომლებიც სექსუალური სიამოვნების მაქსიმალურად გაზრდაში დაგეხმარებათ:
- ჩაჯდომები
აღნიშნული ვარჯიში იდეალურად ამაგრებს ფეხისა და დუნდულების კუნთებს. სისხლის მიმოქცევის გააქტიურების გამო, აღგზნება გაცილებით მარტივდება, ხოლო თქვენი განწყობა და თვითშეგრძნება მნიშვნელოვნად უმჯობესდება.
შესრულების წესი: ხელები წინ გაიშვირეთ და ერთმანეთის პარალელურად გეჭიროთ. მუხლებში მოიხარეთ და ნელ-ნელა დაბლა დაეშვით. თავი ისე გეჭიროთ, თითქოს შემაღლებულ სკამზე ზიხართ. მთელი სხეულის დატვირთვა ქუსლებზე უნდა გადაიტანოთ. მიაქციეთ ყურადღება, რომ ქუსლები იატაკს არ მოაშოროთ. მთელი ვარჯიშის განმავლობაში წვივები ვერტიკალურ მდგომარეობაში უნდა დარჩეს. დატვირთვის გასაძლიერებლად შეგიძლიათ მცირე ზომის გირების გამოყენებაც. მოძრაობა სრულდება 20-30 -ჯერ . მიმართულება: ზემოდან ქვემოთ.
- ნახევარ-ხიდი
მოცემული ვარჯიში ძალიან დადებით გავლენას ახდენს საშოს კუნთებსა და მენჯის სარტყელზე. იგი ამკვრივებს დუნდულებს, თეძოს უკანა და შიდა მხარეს, მუცლისა და ფეხის კუნთებს მატებს მეტ ელასტიურობას. აუმჯობესებენ რა სისხლის მიმოქევას, ეს მოძრაობები ქალის სასქესო ორგანოთა უკეთ ფუნქციონირებას უწყობენ ხელს, რაც თავის მხრივ აძლიერებს და ახანგრძლივებს ორგაზმს.
შესრულების წესი: მყარ ზედაპირზე ზურგით დაწექით. ხელები დააწყვეთ წელთან ახლოს იატაკზე. ფეხები მუხლებში მოხარეთ. ნელ-ნელა აზიდეთ მთელი სხეული ისე, რომ მხრებიდან მუხლებამდე ერთი სწორი ხაზი შექმნას. ამ მდგომარეობაში უნდა დარჩეთ 30 წამიდან 1 წუთამდე. ვარჯიშის შესასრულებლად 10 მისვლა საკმარისია.
- ვარჯიში გიმნასტიკური ბურთით
მოცემული ვარჯიში მუცლის კუნთებს აძლიერებს და სექსუალური აქტისას სასიამოვნო შეგრძნებებს გიჩენთ.
შესრულების წესი: ხელებით დაეყრდენით იატაკს, ფეხებით კი გიმნასტიკურ ბურთს. ბურთი ფეხების გამოყენებით გააცურეთ უკან, შემდეგ კი კვლავ თქვენკენ მოზიდეთ. ყურადღება მიაქციეთ ხელებს. ისინი ვერტიკალურ მდგომარეობაში უნდა გქონდეთ. ვარჯიში სრულდება 10 მისვლაზე. მისვლებს შორის ინტერვალები თავად აკონტროლეთ.
- ფეხის ვარჯიშები
ბევრი ფიტნეს-ტრენერი და ექიმი მოცემულ ვარჯიშს რეკომენდაციას უწევს სექსუალური ცხოვრების გასაძლიერებლად. იგი აუმჯობესებს მენჯის სარტყლის მდგომარეობას და ამაგრებს ძირითად კუნთებს. თეძოს კუნთების გაძლიერება თქვენს სექსუალურ შესაძლებლობლებს წარმოუდგენლად გაზრდის.
შესრულების წესი: დაჯექით მყარ ადგილას. ფეხები აზიდეთ მაღლა ისე, რომ მუხლები და მხრები ერთმანეთს გაუთანაბროთ. შეგიძლიათ ფეხი ხელით დაიჭიროთ, რათა წონასწორობა დაიცვათ. საბოლოოდ თქვენი სხეულით V-ს უნდა წერდეთ. თავდაპირველად გაგიჭირდებათ მსგავს პოზასთან შეგუება, მაგრალ ნელ-ნელა ყველაფერს მიეჩვევით.
- პეპლის პოზა ნახევრად გაწოლილ მდგომარეობაში
აღნიშნული პოზის ძირითად სამიზნეს თეძოს შიდა კუნთები წარმოადგენენ. იგი პეპლის პოზას მოგვაგონებს იოგის ვარჯიშებიდან. მისი შესრულებით მიღებული რეზულტატით თქვენს პარტნიორს ნამდვილად გააოცებთ.
შესრულების წესი: დაწექით მყარ ზედაპირზე. ფეხები მოხარეთ და მუხლები მკერდისკენ მიმართეთ. ფეხისგულები ერთმანეთს მიაბჯინეთ. ყურადღება მიაქციეთ იმას, რომ მხრები იატაკს არ მოშორდეს. ხერხემალი და ზურგი მაქსიმალურად მოდუნებული უნდა იყოს. მოცემული პოზა 20 წამის განმავლობაში უნდა დააფიქსიროთ.
გისურვებთ წარმატებებს!
